当前位置: 主页 > 创新头脑 >【轮证赢家】想追熊等等啦 >

【轮证赢家】想追熊等等啦

【轮证赢家】想追熊等等啦放大图片

今朝拣咗只恒指熊(56575)出嚟,由噚日上半场嘅11点20分至下半场1点30分,恒指5分钟图上SlowSTC(14,3)上到严重超买水平,而呢段时间(56575)高低位做过$0.055/$0.037,平均买入价就係$0.046。

去到下半场,个市实在有啲古怪,喺2点鬆啲嗰段时间,见恒指5分钟图SlowSTC(14,3)由 入嗰时嘅严重超买碌返落去超卖区,但讲紧SlowSTC(14,3)两线只係做紧「2」字头(中间至尾添)嘅水平,跟手再弹反上去,接近下昼3点到SlowSTC(14,3)又再次上返去严重超买位,手揸熊证确实係令人有啲气馁。而临市前20分钟,见恒指5分钟图SlowSTC(14,3)再度回落,今次仲要落到去20以下水平,但(56575)喺呢段时间高低位做过$0.048/$0.045,平均卖出价只都係$0.0465,喺今日唔知听日事嘅情况下,唔想过夜嘅的确可以叫做打个和收队,以换来安寝。

哼~呢个世界果然係「有早知就短乞衣」,噚日等紧睇《全民造星2》嗰时,收到WhatsApp话道指开市曾跌逾300点;到《全民造星2》啱啱开始咗5分钟图,再收到WhatsApp话道指跌幅扩大至逾400点。Well,熊证过咗夜就更係无问题啦,到依家9点49分仲廿格落袋添;但无过到夜嘅其实都唔驶唔开心,因为你庆幸至少自己唔係揸只牛证过夜先嘛,你睇25700至25799点呢层最贴价牛证有868张期指,亦都係最多新增街货层,嗰堆牛证今日证价跌几多?你去牛证20大跌幅度睇吓啰;BTW,开心与否,有时都係相对嘅。

再睇返个市,依家9点56分,恒指做紧25825点,跌217点,明明噚日见就嚟到保历加通道底,但今日再睇见保历加通道口拓阔,即暗示连保历加通道都比位大市向下。14RSI继续向下走;DMI嘅+DI同-DI两线同步下行;至于MACD就一早发出「熊差距」之余仲要已经进入「熊区」,传说中嘅「双熊」出现;SlowSTC(14,3)就唔驶讲,一路都keep住喺地面爬行。

再睇埋恒指牛熊证街货图,今日见牛熊两边都无新增层数,仍然牛熊两边最近嘅都係25700至25799点同26200至26299点,以恒指10点2做紧25857点计,就更係下行杀牛嘅机会大啦,呢度有相当于868张期指,街货量不比上方最贴价牛证弱,开轮商啲search engin时见今日有啲再贴价嘅熊证上市,讲紧个市只係争100点多啲啫,收回价25946点,呢啲槓桿係非常吸有,讲紧大部分都有80倍以上,不过做人做trade都唔驶咁博嘅,碌低个表少少,噚日拣嘅(56575)有成17%街货咁多嘅,不过以用返Day trade嘅方法可以拣啲贴价少少嘅熊证嘅,好似恒指熊(56580),收回价26208点,同现价有逾370点差距,同一收回价中槓桿最高又低街货,但依家(10点10分)恒指跌幅收窄咗,无嘢嘅,你开佢5分钟图就见佢今朝条SlowSTC(14,3)超卖得好紧要,依家反弹中,所以淡友要等一等啦。

头先搵图时见到有只个股残过我家老爷连续睇几夜凌晨波第二日再返工咁嘅款,下昼续。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家


上一篇:
下一篇:

sunbet(官网)55现金|软件科幻|环球绿色|网站地图 申博官网备用网址_澳门银河真人官方网站 申博官网备用网址_jk娱乐下载安卓版