当前位置: 主页 > 创新头脑 >【轮证赢家】恒指牛追补8月5日裂口 >

【轮证赢家】恒指牛追补8月5日裂口

【轮证赢家】恒指牛追补8月5日裂口放大图片

噚日拣咗只恒指牛(54586)出嚟,噚日恒指因为传出林郑话(动议)「撤回修例」(佢係收咗市之后先至发表电视讲话,对我哋嚟讲佢一日未亲口讲,就一日都係「传」/「消息指」...但对于个市嚟讲,我理得你,总之就炒咗先),就係咁就将恒指抢高到26654点,最多升1127点。虽则收市升幅收窄至9XX点,但过千亿成交嚟讲,咁大支阳烛都唔会假得去边,最紧要嘅係(54586)报到仇又买到月饼嘛。

先唔计噚日林郑个电视讲话,用返技术分析去睇,恒指其实处于嗰「三角形」里面都一段日子,而且波幅愈嚟愈窄,愈嚟愈走向「三角形」嘅尖尖位;同时都留意到恒指波幅指数(VHSI)虽然数值上仍然处于高水平,但由7月中至今已经画到一条「上升轨」,刚好噚日朝早写【轮证赢家】时见VHSI落去去「上升轨」嘅底部,一场腥风血雨即将杀到。果然,食完个饭就到咗。

依家再睇返恒指日线图,「三角形」待变格局已经完咗,依家恒指向上爆,10天线(25888点)同20天线(25865点)噚日已经收复,而噚日恒指仲一度升穿保历加通道顶部,到今日开市时虽然微跌10点,但到依家10点27分,恒指已经倒升过百点,做紧(...望右谂住睇电视报恒指但电视卖紧广告添...)26642点,升119点,暂时高位见过26697点,都係一度升穿保历加通道顶部(26616点)。穿保历加通道顶係令人有啲忌讳,因为大家都知道呢啲穿得两三日就要返番入条保历加通道里面,但同时见到保历加通道口拓阔中,换言之保历加比位大市去行,暂可免除被条保历加通道打番落去嘅忧虑。

开埋恒指牛熊证街货图,下方牛证应该係出唔切去追市嘅,依家最贴价都係25600至25699点,呢度有270张期指,全数新增嘅。至于上方熊证最贴价就係26600至26699点,呢度有相当于140张期指。按依家10点33分计,恒指高位做过26697点,即係话呢140张期指你当同无晒都无乜分别,变相可以当26700至26799点呢度先至係最贴价嘅熊证街货,而呢度就係熊证街货最多新增层,有相当于595张期指;至于重货区就退守至27000至27099点,企喺大位都合理嘅,而嗰层就有相当于603张期指,其实同26700至26799点只係争8张期指咁大把,反正个市都上到呢个位,点解唔会食埋佢?恒指牛(54838),收回价25700点,同现价有逾900点差距,呢啲牛证已经係市场上最贴价同槓桿最高(约28.6倍),吼恒指5分钟图SlowSTC(14,3)见超卖先好落场,进取少少博补返8月5日个下跌裂口(26868点至26502点)都唔奇。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家


上一篇:
下一篇:

sunbet(官网)55现金|软件科幻|环球绿色|网站地图 菲律宾申博赌场 申博官网赌场