当前位置: 主页 > 创新头脑 >【轮证赢家】恒指或进入整固期 >

【轮证赢家】恒指或进入整固期

【轮证赢家】恒指或进入整固期放大图片

前日拣咗只恒指牛(53378)出嚟,但就见噚日个市吽吽地,都唔知係咪想引牛熊两边街货,所以策略即改以短打为主,喺噚日喺[下半part]都有讲过下昼有个出货位可以走得到,务求将只(53378)放手,免得唔知做乜个市失心疯向下行,走返去牛熊证街货中间位就麻烦。

今朝喺巴士返工,做紧U盘时先开恒指牛熊证街货图睇,牛熊街货中间位(26300+25999)/2=26149.5点,同噚日一样无变。U盘做完之后恒指开26160点,跌71点开市,同中间位只係争11点,唔呃你,我都被佢吓一吓。

再睇埋啲街货布分。下方最贴价牛证25900至25999点就储咗成650张期指,係就係唔算多,但当中有301张期指係新增嘅。至于上方熊证重货区仍然26500至26599点,呢度有相当于756张期指,单层计未过千都真係吸引力係争啲嘅,不过,按依家10点1分,恒指跌转升11点,做紧26243点计,始终同上方熊证比较贴近,即使唔能够一下子食到重货区,但至少都high到近熊26300至26399嗰142张期指先啦;又或者,你唔比个市真係觉得啲街货仲未够,再储货架?

睇埋恒指日线图,10天线自周一(8月19日)裂口高开之后,势头亦都无再向下;相反条20天线下行势头未止,但同时呢三日恒指喺26000至26200点上落,变相现市平大市有机会被攸20天线捞起。换保历加通道睇,整条保历加通道自7月31日裂口下挫开始拓阔,虽然保历加通道顶就仲未跌停,但保历加通道底部于周二(20日)先至开始掉头,都总算就暂时拓宽嘅迹象。

当一切似跌定,作势反弹;但事实市场上未有利好消息助攻时,大市波幅收窄,见恒指波幅指数(VHSI)虽然比近期(8月15日)高位25.21有所回落(10点13分做紧21.1),但仍然属于偏高水平,恐怕「无波幅」亦「无变幅」嘅日子会持续,估计日线图上会出现一个好窄嘅「长方形」 或者「三角形」,呢啲咪传说中嘅整固啰?

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家


上一篇:
下一篇:

sunbet(官网)55现金|软件科幻|环球绿色|网站地图 申博sunbet充值 申博赌博