当前位置: 主页 > 人工金融 >【轮证赢家】恒指熊再出动 >

【轮证赢家】恒指熊再出动

【轮证赢家】恒指熊再出动放大图片

噚日[下半part]确实係花咗啲时间,去剿返由(有第一粒250天线嘅数值开始)至今,发生过嗰16次嘅时候个情况係点,因为可能当大家听到「终极死亡交叉」呢个名嘅时候,第一时间就心谂:妈!我死得啦!其实都唔係架,只要做好防风措施咁就可以架啦。

依家10点3分,恒指今朝开市微跌9点,开报25606点后一直下行,50天线(27422点)终于跌穿条250天线(27433点),历来第17个「终极死亡交叉」终于出现,mark底返係我个表里面先(噚日一次过搵晒之前嗰16次出嚟先至要手抄啫,依家数码化咗之后,就可以入返电脑啦)。

虽然上面係有个「终极死亡交叉」出现,但望返低少少,其实同步10天线(25917点)升穿咗条20天线(25909点),有个短期嘅「黄金交叉」係度。「咁又『死亡』,又『黄金』...咁即係点呀?」无乜嘢嘅,其实当个市急跌完之后见回稳,啲天线就开始会打结,最靓仔嘅天线排列同六合彩啲波差唔多,係由上至下顺次序而排。以最常用嗰五条天线为例,最高嘅咪就係10天线,跟住20 > 50 > 100,到最底就250天线。你谂下当个时chok完之后回稳,天线唔係一时三刻会跟得砌,点都要啲时间,所以就开始打结,就类似依家咁嘅情况,但当中我哋会以「较指标性」为中心去睇,「终极死亡交叉」同「黄金交叉」,你话边个指标性强啲啦。

依家10点29分,睇返恒指暂时最低见过25395点,即係话头两层最贴价嘅牛证街货25500至25599点同埋25400至25499点已经全数死亡,而夹埋就有相当于282张期指,真心唔算多;不过以今日期结计,或者大户今个月一早就杀够数,今日唔大跌都当你赢。

反正开咗个市街货就望埋佢啦,下方牛证依家最贴价嘅係25300至25399点,呢度得95张期指;但再落多一层嘅话,即25200至25299点,就有成693张期指,呢层仍然都係牛证重货区,同时按大市再下行愈要杀牛,就愈会吸引资金博反弹,如是者重牛就会继续积聚,肥牛就这样炼成。

至于上方熊证,最贴价就係25800至25899点,呢度有相当于226张期指,不过,如果开牛熊证搜寻器去search啲熊证嘅话,当收回价由小至大去排,就会见到发行商其实都好努力咁出贴,不过收回价贴到落25448点嘅熊要下个星期一(9月2日)先上市呢。

既然係咁,用返一如以往嘅方法去秤,现价同下方牛证近且下方牛证预期有多街货之下,开淡仓胜算比较高,见依家恒指5分钟图由严重超卖上紧去,都仲有时间拣下证同等位入市。

进取Day trade嘅,恒指熊(54072),收回价25888点,同现价(10点42分报25419点计)有逾400点差距,因为贴价所以都有逾40倍槓桿比率比返你,係有另一只贴价熊个槓桿高过(54072),但嗰只街货太多,过咗50%,no good。

安全啲嘅可以拣后少少嘅熊证,例如恒指熊(53992),同现价有逾600点差距,槓桿比率约29倍虽然唔係最高,但胜在街货少嘛。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家


上一篇:
下一篇:

sunbet(官网)55现金|软件科幻|环球绿色|网站地图 申博官网备用网址_菠菜网全讯白菜网 申博官网备用网址_msports万博体育下载